@ 23:31
tyttist víst í ferðina með vinnunni til Prag. Ekki nema rétt rúmur mánuður til stefnu. Hlakka orðið ekkert smá til, enda hef ég aldrei komið þangað áður og þetta á örugglega bara eftir að verða gaman. Verðum reyndar bara í 4 daga, en ætla sko sannarlega njóta þess, enda orðið annsi langur tími síðan ég fór út síðast.

Svona að örðu leyti var helgin bara fín. Við félagarnir gerðum okkur smá dagamun í gærkvöldi og fórum út að borða. Fyrir valinu varð Askur, hef reyndar komið nokkrum sinnum þar áður, en félagi minn var að koma þangað í fyrsta skipti. Urðum sko ekki fyrir vonbrigðum og var hann hæst ánægður með matinn og sömuleiðis ég. Eftir þetta kíktum við heim til hans þar sem það vorum blandaðir nokkrir kokteilar. Hef ekki verið að prufa svoleiðis, en það var nú tími kominn til. Held bara að ég hafið fundið einn í gær sem var virkilega góður. Komst nú nokkuð langt nálægt því hvað ég þoli í drykkju, en samt varð maður nú ekki alveg á skallanum hehehehe. Annars á þessi félagi minn afmæli núna seinni partinn í vikunni. Þannig að það er aldrei að vita hvað verður gert um næstu helgi. Var samt frekar fínn þegar ég vaknaði í morgun, engin þynnka eða svoleiðis. Svo fór dagurinn bara að mestu leyti í lærdóm, enda alltaf nóg að gera þar.

Það er oftast nær talað um stjörnurnar sem Íslandsvini þegar að þær koma hingað til lands, í lengri eða skemmri tíma. Alveg sama þó að þær séu hundfúlar yfir vistinni hérna. Öll munum við eftir því þegar að Jerry Seinfeld og Robbie Williams komu hingað hundfúlir og lak af þeim fýlan við allt og alla hér. Samt voru þeir kallaðir sérstakir Íslandsvinir. Þetta er svona stjörnudýrkun, enda finnst mörgum svaka flott að fá stjörnu til landsins.

Nú er leikarinn Leonardo DiCaprio að koma til landsins. Ekki er hann þó að koma hingað til að leika í kvikmynd eða fara í frí. Mun hann koma hingað til að taka þátt í myndatöku fyrir glansritið Vanity Fair, og má því búast við að dvölin verði stutt en geti eitthvað auglýst landið upp, enda fer blaðið víða. DiCaprio er auðvitað mjög þekktur leikari. Hann hefur þó ungur sé verið tilnefndur þrisvar til óskarsverðlauna fyrir leik, síðast fyrir Blood Diamond á óskarsverðlaunahátíðinni fyrir rúmri viku. Hann var áður tilnefndur fyrir The Aviator og What´s Eating Gilbert Grape?

Held að ég láti þetta bara duga bili. !