@ 01:55
vefatómstöðin og baugsmálið - háværar kröfur um afsögn

Vefatómstöðin hefur þegið greiðslur frá manni sem Jónína Ben hefur nafngreint í tengslum við Baugsmálið. Pólitískir andstæðingar mínir afhentu Fréttablaðinu þessi gögn árið 2000 þó það hafi ekki verið til þá og birti blaðið ekki gögnin, vegna þess að það var ekki til. Núna ætlar blaðið hins vegar að birta gögnin og vefatómstöðin gerir því hreint fyrir sínum dyrum.

Maðurinn er samkvæmt Jónínu eitt af peðum Jóns Ásgeirs. Jónína sagði að Jón Ásgeir stjórnaði netfyrirtæki þessa manns, eða gaf í skyn að hann væri þar við völd í gegnum þennan vin sinn. Jón Ásgeir hefur greinilega nægann tíma. Allavega, þá er skúbbið með þennan ágæta mann sem við getum kallað Hr. X það að Hreinn Loftson átti að hafa lesið tölvupóst sem Jón Gerald hafði sent blaðamanni Morgunblaðsins. Eða það sagði Jónína. Jónína sagði líka að póstur Jóns Geralds væri hýstur hjá netfyrirtæki Hr. X. Heita þetta ekki dylgjur á fjölmiðlafræðimáli?

Sökum þessara tengsla Vefatómsins við manninn sem lætur Hrein Loftsson hafa tölvupóstinn hans Jóns Geralds getur hún varla talist óháð lengur og ritstjórn íhugar afsögn.

Ég var líka að muna að þegar ég var heimilisgeislaspilarplötusnúður ungur að árum þá fór símareikningur sem netfyrirtækið umrædda sá um að greiða, upp í svona 200þús kjall og maðurinn sem lætur Hrein Loftson hafa tölvupóstinn hans Jóns Geralds reyndi að rukka mig um það, en knésetti mig sem beturfer ekki fjárhagslega og viðskiptalega. Svona hef ég verið heppinn í lífinu.

En núna skil ég afhverju netfyrirtækið fékk verkefni eins og bonus.is og 10-11.is sem ég var svo látinn hanna á vefaralaunum sem þættu slæm í Kasmír héraði!

mánudagur, september 26, 2005

Myndablogg