@ 13:29
Hvað er málið með að vera með bændaflokk sem vill bara stóriðju og frjálshyggjuflokk sem er alltaf að leggja fram fáránleg frumvörp sem brjóta gróflega á friðhelgi einkalífsins? Og þessir flokkar mynda ríkisstjórnina. Ekki það að ég sé á móti stóriðju þannig séð, púlla ekki Ögmund á þetta, finnst bara skrýtið að bændaflokkur reyni ekki frekar að hagræða í landbúnaði eða eitthvað.

Varðandi þetta fjarskiptafrumvarp. Vita það kannski flestir, en það á að skrá öll símtöl, sms og IP tölur (hverju maður tengist og hverjir tengjast manni) auk þess sem það verður að skrá alla nýja farsíma (semsagt bannað að vera með óskráð frelsisnúmer). Svo geta opinberir aðilar gramsað í þessum gögnum til að athuga hverjir séu glæpamenn. Það er allavega hugsunin. Ég skil það sjónarmið. Ég myndi ekkert endilega kippa mér upp við að það yrði bannað að vera með óskráð frelsisnúmer. Þar finnst mér meðalhófs vera gætt, þá gætu fíkniefnasalar og aðrir glæpamenn ekki verið með óskráð númer, og ef lögregla gæti lagt fram rökstuddan grun um að Hr. X væri glæpamaður myndi dómari kannski leyfa henni að hlera.

Að skrá öll þessi gögn er hinsvegar bara þvæla, eins og td. Persónuvernd hefur bent á. Ekki alveg jafn mikil þvæla og frumvarpið um hleranir án dómsúrskurðar en helvítis þvættingur samt. Mér finnst það liggja á borðinu að þegar svona víðtækar heimildir eru veittar þá verði þær misnotaðar. Fyrir utan það að Escobar átti hvorki gemsa né tölvu þegar hann var að byrja að sölsa undir sig kókaínmarkaðinn í Bandaríkjunum og flutti inn 80% af öllu kókaíni sem kom þangað. Á late disco tímabilinu nota bene! Þannig að glæpamenn munu finna sér aðrar leiðir til samskipta, verður þá næst lögga á öllum kaffihúsum sem gengur á milli og athugar hvað fólk er að tala um? Hljóðnemar undir almenningsbekkjum? Staðsetningartæki í bílum? Sömu aðgerðir bara stigsmunur, spáið í því.

Átta mig ekki alveg á þessu ,,,