@ 01:15


E. Honda er einn af þeim átta bardagamönnum sem hægt er að velja um í óbreyttri útgáfu af Street Fighter II. Hann er japanskur súmóglímukappi, og á sinn heimavöll í baðhúsi nokkru í Japan.

Honda hefur hefðbundnar kýl- og spark hreyfingar sem duga ekki vel til að halda andstæðingnum frá sér bæði vegna þess hve seinn hann er og hversu stutt útlimir hans sveiflast.

Í nágvígi er um tvennt að ræða. Honda getur kastað manni eftir jörðinni þannig að leikmenn skipta um hlið, sem getur oft verið gott. Honda getur líka gripið mann og kreist mann, en að gera það er happadrætti því stundum skilar það meira orkutapi en kast, stundum minna.

Einkennisbrellur Honda eru einnig tvær. Hann getur gert áhlaup úr nokkurri fjarlægð, en til þess þarf hann að labba aftur á bak í tvær sekúndur og þá getur hann skotið sér áfram eins og flugskeyti. Gallinn við þetta er sá að gegn bardagaköppum sem geta skotið einhverskonar geislum að þá er þessi brella gagnslaus. Hin brellan eru ofur hraðar handahreyfingar. Í nágvígi eru þær ekki auðveldar viðureignar. Í fjarlægð er sú brella fánýtt drasl, einkum ef andstæðingurinn getur skotið geislum.

Honda er seinn, með frekar lélegar kýlingar og spörk. Hann getur skotið sjálfum sér úr fjarlægð en það er hægðarleikur að verjast því, einkum ef maður getur skotið geisla á móti. Í nágvígi er hann sterkur með ofur hröðum kýlingum en hann er seinn og kemst ógreiðlega nálægt andstæðingi sínum.

Í grófum dráttum er niðurstaðan sú að ég myndi rústa E. Honda hvenær sem er.

þriðjudagur, apríl 13, 2004